Përmbytjet në Shkodër/ Bashkia: 100 banesa vijojnë të jenë të rrethuara nga uji (VIDEO)

Qarku i Shkodrës vijon të paraqesë problematika si pasojë e reshjeve të shiut që kanë rënë gjatë ditëve të fundit. Në raportimin e bërë ditën e sotme, Bashkia thotë se 2785 sipërfaqe toke janë ende nën ujë, ndërsa rruga e fshatit Obot është e kalueshme me mjete të larta dhe si pasojë e përmbytjeve ujësjellësi Oblika 1, është jashtë funksionit.

Problematike mbetet situata edhe në fshatrat Shirq-Darrgjat pasi rruga është e bllokuar për shkak se ka prezencë të ujit mbi 1 m, ndërsa 100 shtëpi vijojnë ende të jenë të rrethuara nga uji.

Bilanci i plotë:

Situata e përmbytjeve në territorin e Bashkisë Shkodër, data 30.01.2021

Nga monitorimi periodik në terren ditën e sotme datë 30.01.2021,ora 08.30, situata e përmbytjeve në terren vazhdon të jetë si më poshtë:

Hidrometri në Dajç në orën 08.30, shënon kuotën 6.60 m. (Kuota max 6.30 m). Në krahasim me raportimin e ditës së djeshme kemi rritje të nivelit të ujit me 10cm.

Hidrometri i Liqenit të Shkodrës në orën 08.30,shënon kuotën 8.87 m.(Kuota max 8.70 m). Në krahasim me raportimin e ditës së djeshme kemi rritje të nivelit të ujit me 5 cm.

Hidrometri i lumit Drin në orën 08.30,shënon kuotën 7.35m. (Kuota max 7.50 m). Në krahasim me raportimin e ditës së djeshme kemi rritje të nivelit të ujit me 28cm.

Lumit Kir ka prurje të shumta.

Bashkia Shkodër

Sipërfaqe totale e përmbytur 2785 Ha

Tokë e pakultivuar 588 Ha

Foragjere të dyta, jonxhe 1960 Ha

Grurë 130 Ha

Bimë Dekorative 77 Ha

Pemtore 27 Ha

Sera ​​ 3 Ha​​​​

Nj.A. Ana e Malit

Rruga e Obotit është e kalueshme me vështirësi me mjete të larta. Niveli i ujit mbi rrugë arrin rreth 1.15 m.

Rruga Muriqan – Goricë ka prezencë uji rreth 20cm.

Në fshatin Obot ka prezencë uji në oborre 70-80cm.

Ujësjellësi Oblika 1,si pasojë e përmbytjeve është jashtë funksionit.

UKSH Vazhdon të furnizojë me ujë të pijshëm banorët e fshatit Oblikë

Sipërfaqja e tokës bujqësore e përmbytur vlerësohet në 1160 Ha, kryesisht në fshatrat Obot, Muriqan,Oblikë

Tokë e pakultivuar 220 Ha

Foragjere të dyta, jonxhe 880 Ha

Grurë 25 Ha

Pemtore 25 Ha

Bimë dekorative 7 Ha

Sera 3 Ha

Nj.A Dajç

1.Sipërfaqja e tokës bujqësore e përmbytur vlerësohet në 1300 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Darragjat, Pentar), nga të cilat:

Tokë e pakultivuar 290 Ha

Foragjere të dyta, jonxhe 845 Ha

Grurë 95 Ha

Bimë dekorative 70 Ha

Rruga që lidh fshatrat Shirq- Darrgjat është e bllokuar. Ka prezencë uji me mbi 1 m

100 shtëpi janë të rrethuara nga uji.

Kemi prezencë ujit në rrugët e brendshme të fshatrave Shirq dhe Mushan.

Nj.A. Velipojë

Sipërfaqja e tokës bujqësore e përmbytur vlerësohet në 90 Ha. Kryesisht fshatrat Baks i RI, Luarz. Ças.

Tokë e pakultivuar 30 Ha

Foragjere të dyta, jonxhe 60 Ha

Nj. A. Guri i Zi

Vazhdon gërryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.

Nj.A. Bërdicë

Sipërfaqja e tokës bujqësore e përmbytur vlerësohet në 180 Ha, konkretisht në fshtrat Trush, Berdicë e Sipërme, Bërdicë e Madhe.

Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.

Të pakultivuara 40 Ha

Foragjere të dyta, jonxhe 130 Ha

Grurë 10 Ha

Nj.A.Rrethina

Sipërfaqja e tokës bujqësore e përmbytur vlerësohet në 55 Ha, në fshatin Zues (tokat në fushën e Oblikës)

Tokë e pakultivuar 8 Ha

Foragjere të dyta, jonxhe 45 Ha

Pemtore 2 Ha

-Kërkohet gatishmëri nga ana strukturave të ushtrisë për evakuimin e familjeve dhe gjësë së gjallë që rrezikohen nga uji në fshatin Shirq, Nj.A Dajç, në rast të agravimit të situatës.

-Bashkia Shkodër në kushtet e ndodhura, në referencë të Ligjit Nr.45/2019 “Për Mbrojtjen Civile ”, kërkon shpalljen e gjendjes së fatkeqësisë natyrore, për Nj.A. Ana e Malit dhe Dajç.

-Kërkohet që nga Drejtoria e Ujitjes dhe Kullimit Lezhë të ndërhyhet për marrjen e masave për pastrimin e “përroit të kufirit”, Muriqan në Nj.A Ana e Malit.

-Kërkohet mbështetje me bazë ushqimore për gjënë e gjallë ( koncentrat) për NJ.A. Ana e Malit , Dajç dhe Rrethina për një sasi 500 ton.