Një ngjarje e rëndë ka ndodhur këtë të shtunë në Bilisht, ku një automjet teksa furnizohej me gaz në një pikë karburanti, është përfshirë nga flakët.
Të plagosur rëndë kanë mbetur babë e bir.
Gazetarja Sara Kovaçi në një lidhje të drejtpërdrejtë me studion e lajmeve të MCN Tv nga Spitali i Korçës ku janë shtruar dhe dy të plagosurit tha se babë e bir ndodhen në gjendje të rëndë shëndetësore.Po ashtu në momentin që makina po furnizohej me karburant, drejtuesi i saj ka ndezur një cigare që dyshohet se është bë shkak për ngjarjen e rëndë.
Babë e bir janë në gjendje të rëndë. Ngjarja ka ndodhur pranë një pikë karburanti. Muharrem dhe Dorjan Orhan kanë hyrë në pikën e karburantit për ta furnizuar automjetin me gaz, por në këtë moment drejtuesi ka ndezur një cigare dhe ky mendohet të jetë shkaku i ngjarjes. Kanë qenë punonjësit e karburantit që kanë ndërhyrë për të shmangur pasoja më të rënda.
Burime nga spitali bëjnë me dije se gjendja e tyre është e rëndë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
