Gjykata Kushtetuese mban sot seancën e radhës për vendimin e Kuvendit lidhur me shkarkimin e Presidentit të Republikës, Ilir Meta. Të enjten, përfaqësuesi i presidencës kërkoi 48 orë kohë, për të përgatitur përgjigjet për 72 pyetjet që i drejtuan kryetarja e GJK, Vitore Tusha si edhe gjyqtarët Fiona Papajorgji, Përparim Kalo, Elsa Toska, Marsida Xhaferllari, Sonila Bejtja dhe Altin Binaj.
Seanca e së hënës vjen pas dy seancave të mbajtura javën e kaluar. Në seancën e së hënës, me objekt shqyrtimin e kërkesës së Kuvendit për shkarkimin e Presidentit të Republikës, trupa rrëzoi një kërkesë të presidencës për dorëheqje të tyre, si të pabazuar në ligj. Kuvendi dhe mazhoranca përfaqësohen nga Lindita Nikolla, kryetarja e parlamentit dhe Klotilda Bushka e Taulant Balla.
Ndërkohë, kreu i shtetit në rrjetet sociale publikon një foto buzë liqenit.
“Të dashur miq ju uroj një javë të mbarë!”, shkruan ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
