Në një intervistë për CNN, presidenti i Ukrainës Volodymyr Zelensky tha se është i gatshëm të negociojë me Vladimir Putinin, por paralajmëroi se nëse ndonjë përpjekje për negociata dështon, kjo mund të nënkuptojë se lufta midis dy vendeve do të çojë në “një Luftë të tretë Botërore”.
Ndër të tjera, presidenti ukrainas tha se ka kompromise që Ukraina nuk mund t’i bëjë në negociatat me Putinin.
Zelensky u pyet nga Fareed Zakaria i CNN në lidhje me kërkesat ruse. Zelensky tha se Rusia "nuk mund të marrë favore ndaj qytetarëve të një vendi tjetër me forcë".
“Nuk mund të bësh një president të një vendi tjetër që të njohë diçka me përdorimin e forcës”, shtoi ai.
“Jam gati për negociata me të. Isha gati për dy vitet e fundit. Dhe unë mendoj se pa negociata, ne nuk mund t'i japim fund kësaj lufte”, i tha Zelensky Zakarias në një intervistë ekskluzive të dielën në mëngjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
