Parlamenti i El Salvadorit miratoi projekt-ligjin nga Presidenti Nayid Bukele, për të legalizuar bitcoin, duke u bërë kështu vendi i parë në botë që përdor kriptovalutën si monedhë reale.
"Ligji Bitcoin sapo është miratuar nga një shumicë e cilësuar nga Asambleja," shkroi presidenti në Twitter menjëherë pas votimit.
Zyrtari më i lartë i tregtisë së El Salvadorit tha se dollari amerikan do të vazhdojë të jetë mjet ligjor, duke nënvizuar se transaksionet me bitcoin do të ishin me zgjedhje dhe të lidhura me kursin e këmbimit të dollarit.
Ministri i Tregtisë dhe Investimeve Miguel Kattan tha se bitcoin ishte tashmë në përdorim të kufizuar në El Salvador, madje edhe për të blerë në rrugë.
"Aftësia për të bërë blerje me bitcoin nuk duhet të shkaktojë shqetësim," tha Kattan në një konferencë shtypi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
