Konservatorët në Iran janë në prag të një fitoreje dërrmuese në zgjedhje, pasi projeksionet tregojnë se ata mund marrin më shumë se dy të tretat e vendeve në Parlament. Reformistët, grupimi më i madh në parlamentin në largim, janë mundur me shumicë votash. Projeksionet janë që ata do të marrin vetëm 17 vende në Parlamentin me 290 vende. Konservatorët pritet të marrin rreth 200 vende, përfshirë të 30 mandatet e kryeqytetit Teheran, i cili më parë ka qenë një kështjellë e reformatorëve.
Megjithëse një grup i larmishëm, shumë nga konservatorët e vjetër janë ish-përkrahës të ish-presidentit Mahmoud Ahmadinejad. Rezultati është një kundërshtim për ata që kishin nxitur një angazhim më të madh me Perëndimin dhe ka të ngjarë të kufizojnë opsionet e politikës së jashtme të Iranit. Parlamenti mund të bëjë presion që Irani të braktisë traktatin e mospërhapjes bërthamore.
Në Teheran, ku pjesëmarrja ishte e ulët, mes 20-25%, rezultatet nuk pritet të befasojnë njeri, duke pasur parasysh numrin e kandidatëve reformistë të larguar nga kandidimi. Mojtaba Rezai, një mekanik, tha: "Ata janë vetëm një bandë gangsterësh. Ata thjesht zgjedhin midis 10 prej tyre që do të udhëheqin listën e tyre dhe ne nuk kemi asnjë fjalë. Ato nuk janë lista, por m..”.
Një blerës në Teheranin qendror qeshi kur e pyetën nëse i kishte dëgjuar rezultatet, duke thënë: “Pse duhet të presim rezultatin? Është një përfundim i pashmangshëm dhe është fiksuar paraprakisht. Ata mund të bëjnë atë që dëshirojnë, dhe ne na mbetet vetëm të nxjerrim jetesën”.
Monedha vendase, riali, po bie nën presionin e shtuar të dollarit pas listës së zezë të Iranit nga Task Forca për Veprimin Financiar të premten.
Mostafa Tajzadeh, një nga politikanët më të spikatur reformatorë, i cili më parë ishte burgosur në burgun e Evinit, tha: "Ne po përballemi me një situatë të vështirë dhe komplekse të përkeqësuar nga nivelet e ulëta të pjesëmarrjes. Pjesëmarrja ka qenë e ulët dhe kemi një parlament që përfaqëson vetëm pakicën".
Vlera e verdiktit demokratik, tashmë i sabotuar nga skualifikimi masiv i reformistëve, do të dëmtohet më tej nëse pjesëmarrja është aq e ulët saç parashikojnë disa. Pjesëmarrja ishte 64% në 2014 dhe 62% në 2016. Pjesëmarrja më e ulët - 51% - ishte në 2004.
Afati për mbylljen e 55 000 qendrave të votimit të premten u shty vazhdimisht, ndërsa burime pro-qeveritare pretenduan se sondazhet ishin mbajtur të hapura deri në mesnatë për të përballuar pjesëmarrjen e lartë. Kundërshtarët e qeverisë thanë se zyrtarët kishin shpresuar se një nxitim i minutës së fundit mund të maskonte një bojkot të votuesve në qytetet e mëdha të shkaktuara nga zhgënjimi me politikën iraniane.
Rezultati i zgjedhjeve, i hedhur poshtë si një farsë nga qeveria amerikane, u dëmtua nga skualifikimi masiv i kandidatëve më të njohur të qendrës.
Rezultati do të thotë që mbështetës të fortë të Ajatollah Ali Khamenei tani kontrollojnë të gjitha levat kryesore të pushtetit në Iran, përveç Presidencës. Reformistët, të zgjedhur katër vjet më parë me një anxhendë angazhimi me Perëndimin, kishin qenë partia më e madhe në Parlament, por shumë prej propozimeve të tyre u bllokuan nga qendrat e tjera të pushtetit në Iran, veçanërisht Këshilli i Kujdestarisë.
Zgjedhjet presidenciale të vitit të ardhshëm, duket se do ta vënë Hassan Rouhanin në një përballje të vështirë me një parlament të fortë dhe jo mbështetës.
Rezultatet fillestare treguan rreth 14 figura të larta të presidencës së Ahmadinexhadit janë zgjedhur, mes tyre edhe ish-guvernatori i tij i bankës qendrore. / The Guardian /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
