Pas fitores në zgjedhjet presidenciale, Emmanuel Macron e ka nisur me protesta mandatin e ri. Presidenti francez është goditur sot me domate, ndërkohë që po takonte votuesit në një treg në Cergy, në Veriperëndim të Parisit.
Truprojat e Macron hapën një çadër për ta mbrojtur presidentin, ndërsa u përpoqën që të mos lejonin që domatet të binin mbi të. Presidenti dëgjohej duke thënë “nuk është serioze”, para se të largohej nga truprojat e tij. Ishte hera e parë që Macron doli në rrugë që prej votimit të së dielës.
Ai zgjodhi rajonin ku mori më pak vota se kandidati i ekstremit të majtë Jean-Luc Mélenchon. Shumë analistë mendojnë se Macron nuk do të marrë shumicën në zgjedhjet parlamentare të qershorit, ndërkohë që elektorati francez është i ndarë në tre rryma.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
