Ndarja nga jeta e mbretëreshës Elizabeth dhe pasimi i saj nga princi Charles, shkakton një trazirë të madhe në historinë e Britanisë së Madhe.
Sipas raportimeve të fundit, funerali i sovranes më jetëgjatë dhe kurorëzimi i mbretit Charles do t’i kushtojnë Britanisë së Madhe rreth 6 miliardë paund.
Megjithatë, nuk është e vetmja kosto që do të paguajë qeveria britanike, pasi i kërkohet të bëjë një sërë ndryshimesh në pulla, monedha, kartëmonedha, uniforma, tabela qeveritare dhe kuti postare.
Gruaja më e famshme në botë, e cila mori detyrën në vitin 1952, është kudo. Procesi i ndryshimit pritet të zgjasë disa vite apo edhe dekada, madje shumë analistë mendojnë se ai mund të mos përfundojë kurrë.
Stema mbretërore është unike për çdo monark dhe përbëhet nga emri dhe titulli i tij. Stema është paraqitur në ndërtesat qeveritare, uniforma, dokumentet mbretërore ose shtetërore dhe sendet që lidhen me familjen mbretërore.
Me vdekjen e mbretëreshës, stema mbretërore mund të zëvendësohet me CR. Arsyeja pse vetëm shkronja e parë mund të ndryshohet është sepse R mund të nënkuptojë ose Rex ose Regina (mbret dhe mbretëreshë). Deri më tani, stema mbretërore e Charles nuk është konfirmuar.
Kutitë postare- Kutitë postare mbretërore aktualisht janë të shënuara ERII, që do të thotë Elizabeth Regina II. Ndryshimi i tyre varet nga mbreti Charles. Zëvendësimi i rreth 100.000 kutive në Britaninë e Madhe mund të marrë shumë kohë. Kjo do të ndodhë, sipas Muzeut Postar, nëse shtohen kuti të reja postare, ndërsa të vjetrat nuk ndërrohen.
Monedhat- Sipas The Coin Expert, një portret i ri i Charles do të publikohet për t’u paraqitur në monedhën e vendit. Monedhat dhe kartëmonedhat me portretin e mbretëreshës Elizabeth II do të vazhdojnë të emetohen për pjesën tjetër të vitit 2022, megjithëse procesi mund të zgjasë më shumë. Monedhat e reja më pas do të kenë portretin e ri.
Të gjitha monedhat dhe kartëmonedhat aktuale do të hiqen gradualisht, ndonëse ato ekzistuese pritet të mbeten në qarkullim për shumë vite në vijim. Bankat dhe zyrat postare do të emetojnë monedha dhe kartëmonedha me dizajn të ri dhe do të mbledhin emetime më të vjetra për ta bërë procesin më të lehtë.
Himni Kombëtar
Me Charles në fron, fjalët në himnin kombëtar do të ndryshojnë në Zot ruaj Mbretin.
“Zoti e ruaj Mbretin tonë të hirshëm!
Rroftë Mbreti ynë fisnik!
Zoti e ruajt Mbretin!
Dërgoje atë fitimtar, të
lumtur dhe të lavdishëm,
të gjatë të mbretërojë mbi ne,
Zoti e ruajt Mbretin”.
Ky version i veçantë u përdor kur George V, babai i Mbretëreshës, mbajti detyrën dhe vjen përsëri pas 70 vjetësh kur u ndryshua në “Zoti ruaj Mbretëreshën”.
Pasaportat- Një ndryshim duhet të bëhet edhe në pasaportat britanike, të cilat lëshohen nga Sekretari i Shtetit në emër të Madhërisë së Saj dhe do të shndërrohen në të Madhërisë së Tij.
Megjithatë, pasaportat e vjetra nuk do të zëvendësohen dhe nuk do të kenë nevojë të ndryshohen derisa të kërkohet rinovimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
