Zelensky, bisedë telefonike me Ramën: Thelbësore që Ukraina të jetë në tryezën e negociatave 

Presidenti i Ukrainës Volodymyr Zelensky ka zbardhur një bisedë telefonike me kryeministrin e Shqipërisë Edi Rama.

Në një postim në platformën “X” Zelensky thekson që është thelbësore që Ukraina dhe Europa të jenë në tryezën e negociatave.

Reagimi i tij vjen një ditë pasi Presidenti amerikan Donald Trump tha që “Zelensky nuk është aq i rëndësishëm” për të qenë pjesë e tryezave të bisedimeve.

POSTIMI I ZELENSKY-T

Zhvillova një bisedë të mirë me Kryeministrin e Shqipërisë, Edi Rama, dhe falënderova qeverinë shqiptare dhe popullin për mbështetjen e tyre për Ukrainën dhe popullin tonë. Diskutuam shumë tema të rëndësishme, projekte të përbashkëta dhe perspektiva të gjera. 
Diskutuam gjithashtu për iniciativat diplomatike evropiane.

Është thelbësore që Europa të jetë në tryezën e negociatave. Çdo gjë që ka të bëjë me Europën duhet të jetë me pjesëmarrjen e Europës, dhe çdo gjë që ka të bëjë me Ukrainën duhet të jetë me pjesëmarrjen e Ukrainës.
Një vizion i përbashkët dhe hapa të koordinuar janë thelbësore për të arritur një paqe të drejtë dhe të qëndrueshme. Po punojmë së bashku për të forcuar sigurinë në të gjithë Europën.
Faleminderit për mbështetjen tuaj.