Mjekët që punojnë në spitalet publike në Indi pezulluan shërbimin jourgjent për një periudhë të pacaktuar të hënën për të protestuar ndaj përdhunimit dhe vrasjes së një prej kolegeve të tyre.
Trupi i gruas 31-vjeçare u gjet të premten, me plagë të shumta, në një spital publik ku ajo punonte në qytetin e Kalkutës, në shtetin e Bengalit Perëndimor.
Ishte autopsia ajo që konfirmoi përdhunimin dhe vrasjen.
Sipas mediave lokale, policia arrestoi një burrë i cili punonte në të njëjtin spital me viktimën, duke ndihmuar njerëzit në radhë.
Kjo lëvizje e mjekëve nga institucionet publike për të kërkuar drejtësi dhe siguri më të madhe në vendin e tyre të punës filloi në Kalkuta përpara se të përhapej në të gjithë vendin.
Dhuna seksuale ndaj grave është e përhapur në Indi, me një mesatare prej afro 90 përdhunimesh në ditë të raportuara në vitin 2022 në këtë vend me 1.4 miliardë banorë.
Një studim nga Shoqata Mjekësore Indiane theksoi më tej se 75% e mjekëve në Indi ishin përballur me dhunë.
Drejtori i Kolegjit dhe Spitalit Mjekësor RG Kar në Kolkata, profesor Sandip Ghosh, dha dorëheqjen të hënën në vazhdën e protestave masive të mjekëve vendas për përdhunimin dhe vrasjen e mjekes 31-vjeçare.
Dorëheqja e Ghosh ishte një nga kërkesat kryesore të ngritura nga mjekët protestues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
