Eksperti i IT, Erion Demiri, e cilëson fantashkencë emërimin e Diellës si pjesë e qeverisë së re. Në një bisedë në MCN Informacion, Demiri tha se sistemi nuk është aspak imun ndaj sulmeve kibernetike. Ndërsa në lidhje me kostot që do të ketë ai, Demiri tha se nuk ka transparencë.
Nëse do të funksionojë siç po duket, patëm një dekret. Kemi një vakum shumë të madh në këtë mes.
A mund të hakerohet?
Sistem të paprekshëm në botë nuk ka. Çdo sistem sulmohet. Puna është sa bien pre. Disa, me të cilët është punuar më pak, nuk bien. A do të jetë i manipulueshëm? Patjetër! Është e mundur në sisteme të tilla. Sot diskutohet për gjëra shumë më banale. Sot diskutohet si t’i dallojmë videot me AI? Ky titulli ministre është më shumë për skup. Për duhet të dimë që të gjitha sistemet janë të prekshme nga sulmet.
Ajo që nuk është transparente janë kostot. Sistemet e inteligjencës artificiale janë më të kushtueshmet në botë. Ato maten me kohën që lihen në përdorim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
