Dymbëdhjetë ekspertë franko-gjermanë kanë përgatitur një plan të ri për reformimin e BE që parashikon shpejtësi të ndryshme për shtetet që aspirojnë anëtarësimin në Union. Drafti gjithashtu parashikon edhe heqjen e vetos për të mos penguar integrimin e një shteti të ri.
Nirvana Deliu, studiuese e çështjeve të integrimit dhe marrëdhënieve ndërkombëtare, tha në studion e lajmeve të MCN TV se nisma ka qenë e nevojshme.
Ishte përpjekje e nevojshme. BE përbëhet nga 27 shtete por jo të gjitha e kanë fuqinë. Fakti që Gjermania dhe Franca e marrin këtë rol dhe bëhen pjesë flet shumë.
Për rajonin, sipas deliut integrimi do të vijë në mënyrë graduale.
Integrimi mund të vijë gradualisht dhe shkallë-shkallë. Për Shqipërinë dhe Ballkanin Perëndimor, qëllimi është të jemi pjesë.
Plani i ri pritet të afrojë Britaninë me BE-në.
Është diskutuar edhe Brexit. MB mbetet aleat dhe do të gjejnë mënyra për të afruar bashkëpunimin. Mbretëria e Bashkuar nuk duhet harruar se edhe kur ishte pjesë e BE kishte disa divergjenca.
BE është kritikuar shpesh si klub i mbyllur. Nuk duhet harruar se përveç një bashkimi politik, BE është edhe bashkim ekonomik. Edhe vetë brenda BE, vendet nuk kanë të njëjtin zhvillim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
