Shtetet e Bashkuara dhe Irani kanë arritur një marrëveshje për t’i dhënë fund konfliktit në Lindjen e Mesme, sipas raportimeve ndërkombëtare.
Komanda Qendrore e SHBA-së ka konfirmuar heqjen e bllokadës detare ndaj Iranit, në përputhje me udhëzimet presidenciale, ndërsa disa anije amerikane do të mbeten ende në rajon për monitorim.
Udhëheqësi suprem iranian, Mojtaba Khamenei, ka reaguar për herë të parë ndaj marrëveshjes, duke deklaruar se e ka miratuar atë pavarësisht “pikëpamjeve të ndryshme” dhe pas garancive nga presidenti iranian Masoud Pezeshkian për mbrojtjen e interesave kombëtare.
Ai ka akuzuar presidentin amerikan Donald Trump për përdorim të presionit politik për arritjen e marrëveshjes, por ka lënë të hapur mundësinë e negociatave të ardhshme direkte, duke theksuar se kjo nuk nënkupton pranimin e qëndrimeve të palës tjetër.
Sipas raportimeve, marrëveshja SHBA-Iran përfshin 14 pika kryesore, mes tyre rihapjen e Ngushticës së Hormuzit, ndalimin e zhvillimit të armëve bërthamore nga Irani dhe një fond rindërtimi prej 300 miliardë dollarësh për zhvillimin ekonomik të vendit.
Palët janë angazhuar të arrijnë një marrëveshje përfundimtare brenda 60 ditësh, me mundësi zgjatjeje me dakordësi të ndërsjellë.
Ceremonia e nënshkrimit në Zvicër është anuluar pasi dokumenti është firmosur në distancë, por pritet që negociatat teknike të vazhdojnë atje.
Ndërkohë, zyrtarë amerikanë kanë theksuar se zbatimi i marrëveshjes varet nga përmbushja e detyrimeve nga Irani, përfshirë kufizimet mbi programin bërthamor dhe aktivitetet rajonale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
