Ish-ministri i Punëve të Brendshme Saimir Tahiri ka folur për herë të parë pse i mori makinën Habilajve, edhe pasi ja kishte shitur pa bërë formalisht akt-shitjen.
I ftuar në opinion, Saimir Tahiri, deputeti socialist për të cilin prokuroria kërkon arrestimin e tij dhe heqjen e imunitetit, tha se ka udhëtuar me makinën për të shkuar për pushime me familjen e tij. Bëhet fjalë për katër raste në vitin 2014. Ai tha se sebep për të shitur makinën është bërë xhaxhai i tij, dhe për të mos shkuar në pushime me makinën zyrtare të punës, Tahiri i ka kërkuar xhaxhait të marrë sërish makinën që shiti për pak ditë.
“Kam shkuar me pushime me familjen time, tim bir, bashkëshorten, babain dhe nënën”, u shpreh deputeti Tahiri.
“Për kolajllëk, që mos të përdorja makinën zyrtare që të shkoja me pushime me makinë tjetër. Ja kërkova xhaxhait tim meqë ai u bë sebep për ta shitur, ja kërkova mbrapsht për të shkuar me familjen tim Mund të merrja çdo makinë mund të përdorja të punës, mua më shkoi në mend në atë kohë, pa menduar që kjo makinë është shitur tek njerëz që kishin aktivitet kriminal. Kjo më mbush me përgjegjësi morale. I kam dhënë unë makinën kur kam shkruar me pushime. Nuk kam udhëtuar kurrë në Itali me atë makinë. Përgjegjësia ime morale është jo e vogël në raport me publikun, lidhur me gabimin sado njerëzor të shitjes së makinës tek disa njerëz që duhej ta verifikoja se çfarë ata përfaqësonin”, tha Tahiri.
I pyetur nëse në makinë ka qenë edhe Habilaj, Tahiri tha: “Nuk ka udhëtuar kurrë në makinën time ai dhe kushdo tjetër”. Makina i është sghitur Artan Habilajt.
Ish-ministri i Brendshëm Saimir Tahiri, ka folur për herë të parë për makinë Audi AA003GB, për të cilin ai thotë se ja ka shitur kushëririt Artan Habilajt.
Në dosjen që prokuroria i ka dërguar Kuvendit, thuhet se Tahiri të paktën 4 herë është pikasur që udhëtojë me të në prani të Habilajt.
Tahiri u shpreh se nuk ka shkelur asnjë ligj, në lidhje me shitjen e makinës, duke shtuar se vetmja përgjegjësi është morale.
Çfarë lidhje familjare keni me Habiljan?
Habilajt uhet të jenë kushërinj të mi të rangut që unë i quaj të 10-të. Aq të largët me të cilët nuk kam patur marrëdhënie.
Nëse më pyet çfarë grade farefisnore kam, është kushërinj të shtatë a të tetë. Unë nuk kam ngrënë kurrë drekë më ta.
Zagani thotë se jeni ulur me Moisi Habilajn?
Nuk e njoh fare. Nuk mund ta përjashtojë për festat familjare, por nuk kam patur marrëdhënie të ngushta. Aq më pak të mbroja për veprimtaritë kriminale. E vetmja përgjegjësi është se pak ditë pas marrjes së mandatit si ministër e pashë të arsyeshme të shisja makinën time.
Përse ja shite këtyre?
Kam shituar makinën time me noteri,. Pasqyruar kjo në regjistrin elektronik të ministrisë së drejtësisë dhe të deklaratës së pasurisë
Me çfarë çmimi?
Nuk e kujtoj...me çmimin real
Keni deklaruar se nuk e deklaruat se paratë ua merrte përmbarimi?
Këtë nuk e kam deklaruar kurrë...unë kam shitur një makinë të cilët familjarët e mi duke e njohur largësisht i shihnin si blerës të mundshëm dhe u shit atëherë. Unë nuk kisha më detyrimin që të transferojë pronësinë...unë duhet të kisha kërkuar mirë se kujt po ia shisja makinën. Kjo nuk ka ndodhur sepse unë kisha humbur një gjyq më Shkëlzen Berishën. Është kjo arsyeja pse përmbarimi më kishte ndaluar shitjen e makinës.
Unë as kam heshtur dhe as jam fshehur, unë kam kërkuar në prokurori që të hetohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
