Për herë të parë, nivelet e nanoplastikës dhe mikroplastikës janë matur në sistemin nervor të pacientëve me sklerozë laterale amiotrofike (ALS) dhe janë krahasuar me ato të subjekteve të shëndetshme.
Hulumtimi, i kryer nga Universiteti i Modenës dhe Reggio Emilia dhe i botuar në revistën “Brain Communications”, gjeti një lidhje midis përqendrimeve dhe një rreziku në rritje të ALS.
Studimi, i titulluar "Përqendrimet e nanoplastikës dhe mikroplastikës në sistemin nervor qendror dhe rreziku i sklerozës laterale amiotrofike" përcaktoi, për herë të parë në botë, nivelet e mikroplastikës, dhe konkretisht nanoplastikës - të karakterizuara nga dimensione jashtëzakonisht të vogla, në rendin e dhjetë të mijëtave të milimetrit - në lëngun cerebrospinal dhe për këtë arsye në sistemin nervor qendror të pacientëve me ALS.
Rezultatet sugjerojnë që nivelet e larta, mbi një prag ekspozimi, shoqërohen me rrezik në rritje të ALS, ndoshta për shkak të një efekti toksik të drejtpërdrejtë ose veprimit të substancave të tjera toksike të shoqëruara me mikroplastikat.
"Nëse dhe në çfarë mase këto ndotës të rinj, të përfaqësuar nga nano- dhe mikroplastikat, janë përgjegjës për efektet toksike në sistemin nervor, mbetet për t'u përcaktuar përfundimisht", thonë studiuesit.
Studimi është gjithashtu i pari që karakterizon marrëdhënien midis niveleve dhe madhësisë së mikroplastikave në gjak - nga ekspozimi mjedisor ose dieta - dhe pranisë së këtyre ndotësve në sistemin nervor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
