Për herë të parë gjatë procesit të vetingut, një prej kandidatëve ka rezultuar problematik në kriterin e profesionalizmit.
Kreu i Prokurorisë së Apelit të Shkodrës, Elvin Gokaj, nuk ka bindur dot Komisionin e Pavarur të Kualifikimit për sa i përket përgatitjes arsimore.
Gokaj ka rezultuar korrekt dy kriteret e tjera: atë të pasurisë dhe pastërtisë së figurës.
Komisioni i Pavarur i Kualifikimit mori vendim me shumicë votash që prokurori Elvin Gokaj të ndjekë sërish Shkollën e Magjistraturës.
Praktikisht, ai pezullohet për një vit nga detyra derisa ai të përfundojë studimet.
Mosplotësimi i kriterit të profesionalizmit e rikthen në shkollë prokurorin Gokaj.
Që nga nisja e tij, procesi i vetingut ka evidentuar probleme në lidhje me pasurinë dhe lidhjet e papërshtatshme, por ky është rasti i parë që profesionalizmi “ngel” në klasë një prej kandidatëve që dalin para komisionit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
