Dritan Burgija, anëtar i Këshillit Bashkiak Durrës, është një prej të përjashtuarve së fundmi nga PD-ja. Në një intervistë për MCN TV, ai u shpreh se shkak është bërë mbështetja që ai i ka dhënë ish-deputetit Ervin Salianji. Burgija tha se Salianji është në rrugën e duhur.
Pabesi, vendim frikacakësh. Vendim që për mendimin tim është marrë me nxitim shumë të madh. Nuk e di arsyen pse është marrë në këtë moment. Sipas zotit Noka është një informacion që e kam marrë prej tre muajsh. Është gara në PD që po afron dhe është një vendim i marrë në frikë e sipër.
Unë e lidh me një qëndrim timin, bashkimin në foltore me Ervin Salianjin dhe me thënë të drejtën i shkoj idesë se ai është në rrugën e duhur, në të drejtën e vet. Unë kam qenë mbështetës dhe përkrahës i tij dhe për këtë arsye është marrë një vendim i tillë. Unë kam qenë i vetmi nga zinxhiri drejtues i PD që ngela me zotin Berisha. E quaj pabesi edhe për këtë fakt se kam qenë mbështetës i flaktë i zotit Berisha. I shkoja idesë se ishte i vetmi që mund ta sillte PD-në në shina dhe ta kthenim edhe njëherë në forcë fituese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
