Maxhoranca miratoi me shumicë votash amendimet në ligjin që i hap rrugë prishjes së Teatrit Kombëtar.
Ligji i ndryshuar, që ka kaluar më parë në Komisionin e Veprimtarive Prodhuese, parashikon garë për realizimin e projektit që ka të bëjë me shembjen e Teatrit Kombëtar, ndërtimin e një të riu dhe zhvillimin e zonës në qendër të kryeqytetit.
Pa praninë e opozitës, e cila është mbledhur sot në Vlorë, maxhoranca miratoi me 75 vota amendimet në ligjin për Teatrin.
Në votim nuk mori pjesë kryeministri Rama, i cili u largua pas fjalës në Parlament, gjatë të cilës u shpreh se Teatri Kombëtar nuk mund të restaurohet, por duhet të shembet.
Po ashtu, në seancën e sotme mungoi edhe deputeti Pandeli Majko, i cili ndodhet për një vizitë në Drenicë. Ministri i Shtetit për Diasporën nuk ka ndarë të njëjtin qëndrim me maxhorancën në lidhje me këtë ligj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
