Prokuroria e Dibrës ka përfunduar hetimet për dosjen ‘184’, duke marrë të pandehur vetëm 4 persona. Për personat e tjerë që ishin të dyshuar për blerjen e votave në Dibër, organi i akuzës ka kërkuar pushimin e çështjes.
Ndërkaq, personat të cilët janë marrë nën cilësinë e të pandëhurve janë Robert Aga, ish- shef komisariati në Dibër.
Mbi këtë të fundit rëndon akuza për shpërdorim detyre.
I pandehur është marrë edhe ish-drejtori i Arsimit, Drini Gjeci, i akuzuar për shpërdorim detyre dhe kanosje të zgjedhësve. Gjithashtu në cilësinë e të pandehurit është marrë Nuri Meta, zyrtar në njësinë administrative Tomin, nën akuzën e shpërdorimit të detyrës.
I pandehuri i 4 është marrë zyrtari i njësisë administrative Lurë, Hasan Hoti, i akuzuar për kanosje të zgjedhësve.
Ndërsa për pjesën tjetër të të dyshuarve, ndonëse akuzohen për veprën penale të shitjes së votës, Prokuroria e Dibrës është shprehur se për shkak të tejkalimit të afatit 3-vjeçar, vepra penale është parashkruar, për këtë arsye nuk mund të merrën në përgjegjësi penale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
