Atentatet e fundit kriminale në vend, kanë sjell edhe reagimin e Presidentit Ilir Meta, i cili përmes një shkrimi në rrjete sociale, u ka bërë thirrje institucioneve të drejtësisë që të zbardhin krimet e ndodhura në ditët e fundit.
Kreu i Shtetit kërkon kapjen e autorëve dhe ndëshkimin e tyre dhe shton se kjo situatë kërkon masa të menjëhershme reaguese dhe parandaluese nga institucionet e ngarkuara me ligj për mbrojtjen e rendit dhe të sigurisë publike.
„Revanshi i krimit në qytetet kryesore të vendit kërkon masa të menjëhershme reaguese dhe parandaluese, nga të gjitha institucionet e ngarkuara me ligj për mbrojtjen e rendit dhe të sigurisë publike.
Autorët e këtyre krimeve duhet të ndalohen sa më parë dhe aktet kriminale të konsumuara në zemër të qyteteve tona, që po tronditin rëndë opinionin, duhen të zbardhen menjëherë nga drejtësia dhe duhet të marrin dënimin më të rreptë ligjor”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
