Sekretari i Përgjithshëm i NATO-s, Jens Stoltenberg, ka paralajmëruar se një aleancë “autoritare” e disa vendeve sfiduese po bëhet më e fortë. Ai tha se Rusia, Kina, Irani dhe Koreja e Veriut po bëhen "gjithnjë e më shumë në linjë", duke përfaqësuar një kërcënim në rritje për Perëndimin.
Në një intervistë të dielën në BBC, Stoltenberg argumentoi se "Kina po mbështet ekonominë ruse të luftës, duke ofruar pjesë kyçe në industrinë e mbrojtjes dhe në këmbim, Moska po i hipotekon të ardhmen e saj Pekinit". Ai më tej pretendoi se Rusia i ofron Iranit dhe Koresë së Veriut teknologji në këmbim të municioneve dhe pajisjeve ushtarake.
Shefi i NATO-s vazhdoi më pas duke sugjeruar se blloku duhet të thellojë bashkëpunimin me vende si Japonia dhe Koreja e Jugut për të "qëndruar kundër kësaj aleance më të fortë të fuqive autoritare".
Moska dhe Pekini, të cilat kanë pasur lidhje të ngushta që nga koha sovjetike, së fundmi u zotuan të rrisin bashkëpunimin dypalësh në fusha të ndryshme. Presidenti rus Vladimir Putin dhe presidenti kinez Xi Jinping deklaruan në vitin 2022 se partneriteti i tyre strategjik "nuk ka kufij".
Kina ka refuzuar të fajësojë Rusinë për konfliktin në Ukrainë dhe ka akuzuar vazhdimisht SHBA-në dhe NATO-n për "mentalitet të Luftës së Ftohtë" dhe përpjekje për të imponuar vullnetin e tyre në pjesën tjetër të botës. Putin tha në shkurt se Perëndimi ka ruajtur "zakonet e tij koloniale".
Irani ka pranuar se ka dërguar një sasi të vogël dronësh në Rusi përpara se Moska të niste operacionin e saj ushtarak në Ukrainë në shkurt 2022. Zëdhënësi i Kremlinit Dmitry Peskov, megjithatë, tha se ushtria ruse përdor vetëm armë të prodhuara në vend kundër trupave të Kievit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
