Është gjetur pas dy javësh, trupi i pajetë i biznesmeni Ruzhdi Hoxha, i cili rezultonte i zhdukur që prej datës 20 tetor.
53-vjeçari është gjetur i vrarë me armë zjarri në malin e Dajtit, teksa Policia e Shtetit ndërmori një aksion, në bashkëpunim FNSH dhe dhjetëra forca të Policisë së Tiranës me qen gjurmues për gjetjen e trupit të biznesmenit.
Ka qenë i biri Samir Hoxha, i cili ka kallëzuar në komisariatin e Kamëz, zhdukjen e të atit, ndërsa biznesmeni herën e fundit është parë duke pirë kafe me Ferdinand Rrushin, person me precedentë penalë e mbi të gjitha në kërkim ndërkombëtar nga drejtësia italiane.
Ai u thirr për t’u marrë në pyetje në Drejtorinë e Policisë së Tiranës, si personi i fundit që kishte takuar ndërtuesin Hoxha, teksa Policia e prangosi në drejtori.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
