Referendumi në Maqedoni, MIA “korrigjon” Zaevin (VIDEO)

Jo vetëm vëmendja e politikanëve, por edhe gazetarëve është përqëndruar në Maqedoni, aty ku javën e ardhshme pritet të mbahet referendumi për ndryshimin e emrit.

Gazeta greke “The National Herald” publikoi një artikull, ku thuhet se agjencia shtetërore e lajmeve në Maqedoni korrigjoi deklaratën e Kryeministrit Zaev në takimin me zv Presidentin Amerikan Mike Penc, gjatë vizitës së tij në Shtetet e Bashkuara të Amerikës. 

“Pjesa veriore e Greqisë është Greqia, pjesa perëndimore e Bullgarisë është Bullgaria. Kjo është Maqedonia jonë dhe nuk do të ketë një tjetër në botë”, është shprehur Zaev.

Por, ajo çfarë tha kryeministri, sipas “The National Herald”, u redaktua me shpejtësi dhe u zëvendësua nga agjencia, pa shpjeguar kontradiktën apo formulimin e çuditshëm dhe duke vërejtur se ai tha:

“Pjesa veriore e Greqisë është Greqia, pjesa perëndimore e Bullgarisë është Bullgaria. Kjo është Maqedonia jonë dhe nuk do të ketë një tjetër në botë. Të gjithë e dimë se sot një pjesë e rajonit gjeopolitik të Maqedonisë është në Greqi, një pjesë është në Bullgari dhe pjesa veriore është në vendin tone. Më në fund askush në botë nuk do të na kontestojë, nuk do të na ofendojë dhe nuk do të na nënçmojë. Asnjëherë më FYROM. Tashmë jemi maqedonas me popull maqedonas, gjuhë maqedonase’’

Kryeministri antinacionalist i Greqisë dhe udhëheqësi i të majtës radikale SYRIZA, Alexis Tsipras ranë dakord për ndryshimin e emrit për t'i dhënë fund një grindjeje 27-vjeçare që filloi kur administrata e Demokracisë së Re në vitin 1991 e la vendin e ri që po dilte nga rënia e Jugosllavisë të përdorte emrin Maqedoni. Ky duhej të ishte akronim i përkohshëm, por kur qeveritë e njëpasnjëshme të Ish Republikës Jugosllave të Maqedonisë filluan të pretendonin tokat greke, duke përfshirë Maqedoninë reale dhe qytetin e dytë më të madh të qytetit dhe portin kryesor të Selanikut, Greqia përdori veton për të mbajtur fqinjin e saj jashtë NATO-s dhe hapjen e bisedimeve të pranimit në Bashkimin Evropian.