Mësohen detaje të reja lidhur me krimin e ndodhur mëngjesin e sotëm në zonën e Mirditës, ku u ekzekutua me breshëri të shtënash 45-vjeçari Valter Lleshi.
Gazetari Juli Simoni, raportoi për “MCN Live” se 45-vjeçari ishte punonjës i kompanisë së bazaltit në Spaç dhe ishte duke shkuar në punë në momentin që iu bë pritë dhe u hap zjarr drejt tij.
Krimi ndodhi rreth orës 07:10, në fshatin Shkorret, në aksin rrugor Reps-Spaç, ku u gjet automjet, i vrarë me armë zjarri, Valter Lleshi, rreth 45 vjeç.
Viktima po shkonte në punë me një automjet fuoristradë “Toyota”. Ai është gjetur i vrarë nga një tjetër punonjës i kompanisë, i cili gjithashtu po shkonte në punë.
Lleshi është qëlluar me breshëri plumbash, pasi në vendin e ngjarjes janë gjetur rreth 18 gëzhoja, ndërsa autorët i kishin bërë pritë.
Mësohet se viktima është babai i dy fëmijëve. Ai po shkonte pranë kompanisë së bazaltit ku punonte, kur u qëllua me breshëri plumbash. Zona malore dhe mungesa e kamerave të sigurisë vështirëson zbardhjen e ngjarjes.
Ndërkohë rreth muajit mars i është vendosur lëndë plasëse kamionit me të cilin lëvizte dhe punonte në kompaninë e bazaltit. Ai ka thënë në polici se nuk kishte konflikte dhe se sulmi mund të kishte lidhje me kompaninë ku punonte.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
