Në mbledhjen e Këshillit të Mandateve ku po diskutohet kërkesa e SPAK për dhënien e autorizimit për arrestimin e Sali Berishës, prokurori Arben Kraja deklaroi se kërkohet autorizim për zëvendësimin e masës së sigurisë “detyrim paraqitje”, në “arrest shtëpie” ose “arrest me burg”, sipas Kodit të Procedurës Penale.
Prokurori i SPAK deklaroi se ish-Kryeministri Berisha akuzohet për veprën penale “Korrupsioni pasiv, kryer në bashkëpunim”, vepër për të cilën rrezikon që të dënohet me burg nga 4 deri në 12 vite burg.
Zoti Berisha ka firmosur VKM në favor të pesë familjeve bashkëpronare.
Nga hetimet vlerësohet se është krijuar dyshimi se Sali Berisha, në cilësinë e tij si Kryeministër, ka kryer veprime konkrete aktive me qëllim përshtatjen e ligjeve, ku përfitues ishte edhe bashkëshorti i vajzës së tij Jamarbër Malltezi.
GJKKO ka pranuar kërkesën e prokurorisë duke caktuar masat e sigurimit personal.
Zoti Berisha nuk e ka zbatuar asnjëherë masën e sigurisë “detyrim paraqitje” dhe nuk është paraqitur para Oficerëve të Policisë Gjyqësore.
Në rast shkelje të masës së sigurisë, gjykata mund të vendosë zëvendësimin ose bashkimin në një masë shtrënguese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
