"Më shumë se 800 000 njerëz" mund të largohen nga Sudani, ku lufta civile vijon.
Kështu deklaroi Komisioneri i Lartë i Kombeve të Bashkuara për Refugjatët (UNHCR), Filippo Grandi.
"Le të shpresojmë që të mos arrihet deri në një pikë të tillë, - shkroi Grandi në Tëitter - por nëse dhuna nuk ndalet, do të shohim më shumë njerëz të detyruar të ikin nga Sudani në kërkim të sigurisë".
Gjeneralët e palëve ndërluftuese të Sudanit kanë rënë dakord të dërgojnë përfaqësuesit e tyre për negociata, ndoshta në Arabinë Saudite, tha sot zyrtari i lartë i Kombeve të Bashkuara në vend Volker Perthes, megjithëse në kryeqytetin Khartoum, ushtria dhe rebelët vazhduan të bombardojnë pavarësisht zgjatjes së armëpushimit.
Nëse bisedimet zhvillohen, ato do të përqendrohen në vendosjen e një armëpushimi "të qëndrueshëm dhe të besueshëm" të monitoruar nga vëzhguesit kombëtarë dhe ndërkombëtarë, tha Perthes, por paralajmëroi se kishte ende vështirësi në negociata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
