Vijojnë monitorimet për respektimin e masave anti-Covid në vend, ku vetëm gjatë 24 orëve të fundit janë gjobitur 1357 qytetarë të cilët nuk mbanin maskat.
Këta qytetarë janë gjobitur me një vlerë prej 3000 lekësh, maskë ndëshkuese e cila do të faturohet në faturën e energjisë elektrike.
20 qytetarë janë gjobitur me 10 mijë lekë, pasi kanë thyer orën policore, duke qarkulluar pas orës 20:30.
Në kuadër të respektimit të protokolleve anti-Covid, janë gjobitur gjithashtu edhe 5 lokale, me vlerën prej 1 milonë lëkësh, pasi vazhdonin të ushtonin aktivitetin në kundërshtim me masat e aplikuara.
Njoftimi i policisë:
Ndëshkohen me masë administrative 1357 qytetarë që nuk zbatuan masat anticovid gjatë 4 ditëve të fundit.
Shërbimet e Policisë në të gjithë vendin, në vijim të kontrolleve për zbatimin e masave anticovid, kanë ndëshkuar me masë administrative 1357 shtetas, konkretisht:
- 1332 shtetas janë ndëshkuar me nga 3.000 lekë, për mosvendosjen e maskës mbrojtëse;
- 5 administratorë subjektesh janë ndëshkuar me nga 1.000.000 lekë, pasi ushtronin aktivitetin në subjektet e tyre, në kundërshtim me protokollet e sigurisë;
- 20 shtetas janë ndëshkuar me masë administrative 10.000 lekë, pasi janë konstatuar duke lëvizur në këmbë pas orarit të ndalimit të lëvizjes.
Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren në të gjithë vendin, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.
Si rezultat i këtyre kontrolleve, gjatë 4 ditëve të fundit, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 1332 qytetarë që janë konstatuar duke lëvizur pa maskat mbrojtëse.
Gjatë kontrolleve janë shoqëruar në ambientet e Policisë në të gjithë vendin, 18 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.
Gjatë kontrolleve të ushtruara në subjekte të ndryshme, shërbimet e Policisë kanë evidentuar 5 lokale në të cilët ushtrohej aktiviteti në kundërshtim me protokollet e sigurisë. Për secilin nga subjektet u vendos masa administrative 1.000.000 lekë.
Gjithashtu, gjatë kontrolleve janë konstatuar 20 qytetarë që lëviznin në rrugë pas orës 20:30, pa arsye të domosdoshme, të cilët janë ndëshkuar me masën administrative 10.000 lekë secili.
Policia e Shtetit, krahas punës për parandalimin, evidentimin dhe goditjen e paligjshmërisë, sigurimin e rendit dhe qetësisë publike, do të vijojnë punën për monitorimin e zbatimit të masave anticovid në të gjithë vendin. Në këtë kuadër i bëhet thirrje të gjithë qytetarëve që të zbatojnë masat anticovid dhe të mos dalin nga banesat e tyre pas orës 20:30 deri në orën 06:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
