Jozif Muça nga qyteti i Elbasanit edhe pse në moshën 83 vjeçare nuk heq dorë nga pasioni i tij që ka për punën artizanale. Plotë 70 vjet të jetës së tij, Josifi ia ka dedikuar zanatit të zdrukthtarit.
Në ditët e para të vitit vijon me pasion të punoj në punishten e tij modeste në një lagje periferike të qytetit. Prodhon punime druri, ku më të zakonshmet janë lugët, okllait, bastunet etj.
Artizani i vjetër thotë se vijon të punojë pasi puna për të është jetë dhe nuk ka ndërmend të heqë dorë prej saj deri sa të mbyllë sytë.
Teksa pjesa më e madhe e të rinjve kanë zgjedhur të largohen nga vendi i tyre zanatet e tilla siç është edhe ky i artizantit po shkojnë drejt zhdukjes.
83-vjecari me keqardhje thotë se duhet më shumë angazhim për këta të rinj të cilët mos ta braktisin vendin e tyre, por nuk harron të theksojë dhe mbështetjen që ata duhet të kenë nga strukturat shtetërore.
Me karrocën e tij të dorës Jozifi edhe i tregton vetë prodhimet e tij të cilat i transporton ato në rrugicat e qytetit. Madje ai ka gjetur dhe një rrugë tjetër ku mund të ekspozojë punën e tij, ai çdo ditë gjendet në panairin e organizuar në Elbasan, ku ai thotë se i ekspozon me krenari punimet e drurit të punuara me dashuri nga duart e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
