Macron: Ukraina duhet të rezistojë dhe të fitojë

Presidenti francez Emmanuel Macron tha se Ukraina duhet të fitojë luftën kundër Rusisë, teksa ai vizitoi qytetin e Irpin jashtë kryeqytetit Kiev.

Franca ka qenë përkrah Ukrainës që nga dita e parë. Ne qëndrojmë me ukrainasit. Ukraina duhet të rezistojë dhe të fitojë.

Kështu u tha Macron gazetarëve në përgjigje të një pyetjeje mbi komentet e tij të mëparshme se Rusia nuk duhet të poshtërohet.

Macron dhe udhëheqësit e Gjermanisë, Italisë dhe Rumanisë dëgjuan një zyrtar ukrainas pranë ndërtesave të shkatërruara, të djegura, i cili i shpjegonte se çfarë kishte ndodhur atje.

Më pas Macron u tha gazetarëve:

Është një qytet heroik.

Ukraina thotë se Rusia kreu mizori në shkallë të gjerë në Irpin. Rusia i mohon akuzat.