Komisioni për Çështjet Ligjore, Administratën Publike dhe të Drejtat e Njeriut, u mblodh sot nën drejtimin e Klotilda Bushkës, për shqyrtimin e kandidaturave për zgjedhjen e Presidentit të ri të Republikës.
Gjatë mbledhjes, të pranishëm në sallë ishin anëtarët e maxhorancës, ndërkohë që nga opozita ishte vetëm Fatmir Mediu.
Kryetarja e e Komisionit të Ligjeve Klotilda Bushka u shpreh se edhe për këtë raund nuk janë ofruar kandidatë dhe ky raund do të konsiderohet i kryer sipas parashikimit në Kushtetutë dhe rregulloren e Kuvendit.
Relatori Eduart Ndreca tha se në zbatim të nenit 87 pika 2 e Kushtetutës dhe nenit 109 pika 3 e rregullores së Kuvendi u mblodh me datë 24 maj konferenca e Kryetarëve e cila caktoi datën 30 maj për zhvillimin e raundit të tretë për zgjedhjen e Presidentit, sipas këtij vendimi Komisioni i Ligjeve do të mblidhej sot dhe do të paraqiste në seancë raportin e tij.
“Komisioni i Ligjeve u mblodh sot sipas afateve të caktuara për shqyrtimin e kandidaturave të mundshme të depozituara në Kuvend. Komisioni i Ligjeve konstatoi se deri në afatin e përcaktuar nga Konferenca e Kryetarëve nuk është propozuar asnjë kandidaturë në Kuvend.
Në këto kushte, Komisioni i Ligjeve në zbatim të nenit 87 të Kushtetutës i paraqet seancës plenare që do mblidhet sot me 30 maj raportin me qëllim përmbylljen e procedurave për raundin e tretë për zgjedhjen e Presidentit.
Raporti do t’i kalojë Kuvendit në seancën e sotme plenare. Praktikisht ky raund është i djegur, pasi në Kuvend nuk do të shkojë asnjë kandidaturë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
