PD zhvillon sot zgjedhjet e saj primare në 12 qarqet e vendit nga të cilat kryesia do të përzgjedhë kandidatët për deputet në zgjedhjet parlamentare të 11 Majit.
Votimi u hap në orën 08:00 dhe mbyllet në orën 18:00.
Korrespodentet e MCN në Shkodër dhe Durrës, raportojnë për edicionin e lajmeve, se procesi deri tani ka ecur në rregullsi me procedurat e procesit të votimeve.
Bendis Druni, Shkodër:
Pjesëmarrja shumë e lartë, interes të madh nga demokratët e Shkodrës për të marrë pjesë në primare. Numri i anëtarëve në qark rreth 5 mijë anëtarë për 31 kandidatët në qarkun e Shkodrës.
Pretendohet pjesëmarrje të lartë, nuk është shfaqur asnjë problematikë,
Ervina Garo, Durrës:
Mëngjesin e sotëm, në orën 08:00, ka nisur procesi i votimeve për primaret brenda Partisë Demokratike në qarkun e Elbasanit, për zgjedhjen e kandidatëve për deputetë që do të përfaqësojnë listën e PD-së në zgjedhjet e ardhshme.
Procesi po zhvillohet pa probleme dhe pritet të mbyllet në orën 18:00.
Në qarkun e Elbasanit janë rreth 12,900 anëtarë me të drejtë votimi, ndërsa në qytetin e Elbasanit numri i tyre arrin në 4,000. Në këtë përzgjedhje janë kandiduar 22 anëtarë të PD-së, për të cilët do të japin votën e tyre primaret. Deri më tani kanë votuar 1500 anëtarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
