Mogherini: Bojkoti i parlamentit do të thotë bllokimi i komisionit të Vettingut dhe kjo ndal progresin

Në fizitën e saj në Tiranë, shefja për politikën e jashtëme të Bashkimit Europian, Federika Mogehrini, i ka mbyllur takimet në kryeministri ku u takua me kreun e maxhorancës Edi Rama.

Në konferencën e përbashkët për media Mogherini deklaroi se bojkoti i Parlamentit do të thotë bllokimi i komisionit të Vettingut dhe kjo ndal progresin dhe kjo në një moment kur vendi ka nevojë që të ecë përpara. "Shqipëria ka arritur shumë prej një viti veçanërisht me miratimin e reformës në drejtësi dhe rëndësia e saj është njohur nga BE-ja që të rekomandonte çeljen e negociatave, por në veçanërisht zbatimi i Vettingut. Ne jemi gati, që të vazhdojmë të jemi të besueshëm dhe të çelim negociatat në mënyrë që Vettingut të zbatohet. Tani e keni radhën ju dhe ne jemi të gatshëm të shohim zbatimin e kësaj reforme", deklaroi Mogherini.

Në fjalën e saj, shefja e BE u ndal edhe tëk zgjedhjet ku theksin e vuri tek zbatimet e rekomandimeve të OSBE/ODIHR-t." Është e rëndësishme që të ketë përgatitje për zgjedhjet. Në këto muaj që kanë mbetur të përdoret kjo kohë për të zbatuar disa rekomandime të OSBE/ODIHR-t", tha ajo.

Ndërsa kryeministri Edi Rama theksoi në fjalën e tij se kjo vizitë është më e rëndësishme në ditë të zakonshme. Për këtë arsye, ne patëm edhe një bashkëbisedim miqësor dhe konkret. Jemi në një mendje, që ndërkohë puna me 5 prioritetet kyçe duhet të vazhdojë intensivisht sepse do të na shoqërojnë edhe përtej hapjes së negociatave.