Një shqiptar 35 vjeç u arrestua në Holandë me një sasi të madhe droge që vlente 6 milionë euro. Kështu, mësohet se atij iu sekuestruan 674 kg kanabis në një furgon, ndërsa po hetohet origjina e drogës. Një sasi e konsiderueshme droge u sekuestrua në Holandë, ku policia arrestoi një 35-vjeçar nga Shqipëria.
Nga mediat lokale holandeze mësohet se kanabisi ishte fshehur në një furgon, ndërsa ende nuk dihet vendburimi i lëndës narkotike. Kur policia vendase ushtroi kontroll në brendësi të furgonit, gjeti 674 kg hashash që vlente 6 milionë euro.
Nga të dhënat e para mësohet se droga mund të kalonte transit përmes Holandës, me destinacion një vend të Europës, por nuk përjashtohet edhe mundësia e shitjes në tregun lokal atje. Gjithësesi, policia po heton për të identifikuar anëtarët e tjerë të këtij rrjeti kriminal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
