Qeveria japoneze synon të ketë të paktën 30% të grave në role ekzekutive në kompanitë kryesore të vendit deri në vitin 2030, në një përpjekje për t’u lidhur me vendet më të përparuara në promovimin e barazisë gjinore.
Projekti i shpallur nga ekzekutivi synon të garantojë të paktën një grua në bordet e drejtorëve të kompanive kryesore të listuara në bursë deri në vitin 2025, duke u bërë thirrje këtyre kompanive të vendosin rregulla të reja që në këtë vit.
Dispozitat e reja synojnë të sigurojnë që punonjësit meshkuj të kenë të drejtën e lejes së atësisë dhe një sistem për të mbajtur të ardhurat për familjen edhe kur punojnë me kohë të pjesshme, të paktën deri në moshën dy vjeçare. Për më tepër, ndër propozimet e reja është forcimi i masave për mbrojtjen e grave nga sulmet seksuale dhe format e tjera të dhunës nga partnerët, si dhe parandalimi i bullizmit në vendin e punës.
Në studimin e fundit të publikuar në mars nga Banka Botërore mbi mundësitë ekonomike për gratë, Japonia u rendit e 104-ta nga 190 vende dhe u rendit e 116-ta nga 146 vende në renditjen e hendekut gjinor të hartuar nga Forumi Ekonomik Botëror në 2022.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
