Serbia nuk është e interesuar për marrëveshje me Kosovën. Kështu ka deklaruar sot kryeministri Albin Kurti, pas dështimit të negociatave në Bruksel për çështjen e targave. Kurti thotë se e ka ndjekur nga afër procesin ndonëse ndodhet në SHBA, ndërsa shton se pret që Lajçak të tregojë se cila palë nuk ishte konstruktive.
“Unë nuk kam dilema. E di që kryenegociatori ynë Besnik Bislimi ka qenë edhe konstruktiv, edhe kreativ, por qartazi Beogradi nuk është i interesuar të ketë marrëveshje”, ka thënë Kurti për televizionin publik.
“Ne nuk duam asnjëherë ta vëmë në pikëpyetje parimin e reciprocitetit. I takon ndërmjetësit që ta sqarojë se pse konkretisht nuk u arrit marrëveshja, e cila ka qenë mjaft afër e për të cilën edhe Lajçak është angazhuar shumë”, shtoi Kurti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
