Situata në rajonin e Ballkanit është shqetësuese. Kështu ka deklaruar Ministrja e Jashtme e Gjermanisë, Annalena Baerbock, e cila do të udhëtojë të enjten në Shqipëri, në një kohë kur janë rritur ndjeshëm tensionet mes Prishtinës e Beogradit.
Baerbock do të bisedojë me liderët e dy vendeve dhe do të vazhdojë t’iu bëjë thirrje palëve që t’i ulin tensionet, në margjina të një takimi me ministrat e Jashtëm të Ballkanit Perëndimor, ka thënë zyra e Ministrisë së Jashtme gjermane, raporton REL. Takimi në Shqipëri do mbahet në kuadër të nismës “Procesi i Berlinit”.
Ndër të tjera kryediplomatja gjermane ka deklaruar se: “Serbia ka për detyrë të bëjë thirrje për heqjen dorë nga dhuna”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
