Kremtimi i 10-vjetorit të pavarësisë së Kosovës ka mbledhur bashkë në një séancë solemne politikanët e Shqipërisë dhe Kosovës. Vijimi i festës këtë të dielë ka sjellë një propozim mjaft interesant nga kryeministri Edi Rama, i cili ka hedhur idenë e zgjedhjes së një presidenti të përbashkët.
Më tej, ai vuri theksin edhe te dialogu i vështirë i Prishtinës me Beogradin, për të cilin tha se, edhe ky, pas disa vitesh do të jetë thjesht një histori.
Ndërkohë, pas seancës, Forca e Sigurisë së Kosovës dhe Policia e Kosovës kanë organizuar një parade në sheshet “Nëna Terezë” dhe “Zahir Pajaziti” në Prishtinë. Në podiumin e nderit ishin të pranishëm presidenti Ilir Meta dhe kryeministri Edi Rama, ndërsa më larg kreu i opozitës Lulzim Basha dhe ish-kryeministri Sali Berisha.
Kremtimet për pavarësinë e Kosovës nisën që të premten, ndërsa kulmuan në sheshin qendror të Prishtinës me koncertin e këngëtares me famë globale Rita Ora. Kjo e fundit emocionoi të gjithë të pranishmit në koncertin e Pavarësisë, me performancën e saj, teksa ndër të tjera ka kërcyer edhe vallen e Rugovës. Këngëtarja ka marrë edhe medaljen presidenciale nga presidenti Hashim Thaçi për koncertin madhështor që mbajti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
