Rama nxjerr kurbën e vaksinimit: Ne do ta fitojmë këtë luftë

Kryeministri Edi Rama ka nxjerrë kurbën e vaksinimit të COVID-19, ku pasqyrohen të dhënat e 7 ditëve të fundit në rajon dhe Europë.

Rama thotë se Shqipëria do e fitojë luftën me lidership, organizim, këmbëngulje e durim të madh.

Sipas tij, me vaksinimin e pandalur që ka nisur Shqipëria këtë verë do të ketë një sezon turistik të lehtësuar ndjeshëm.

“Ne do ta fitojmë këtë luftë me lidership, organizim, këmbëngulje e durim të madh dhe përmes vaksinimit të pandalur masiv, do të kemi një sezon turistik të lehtësuar ndjeshëm. Të dhënat e barometrit global për ritmin e vaksinimit 7 ditët e fundit", shkruan Rama.

Në të dhënat e publikuara në faqen prestigjioze të të dhënave ourworlindata.org vendi ynë në llogaritjen e shifrave të javës së fundit ka arritur një rezultat më të mirë në procesin e vaksinimit krahasur me shumë vende të rëndësishme.

Bazuar në grafikun e ourworlindata.org Shqipëria ka lënë pas vendet më të mëdha të Evropës si Gjermania, Italia apo Franca.