Artistët elbasanas kanë ndarë urimet për Ditën e Verës nga sofra elbasanase, në emisionin “Zgjohu me MCN”.
Këngëtarja Eglantina Toska tha se i këndon dhe të tjerëve por Elbasanit veçmas, prej 20 vitesh.
E ndjej dhe jashtë dhe në Kosovë që këndojnë këngën Elbasan i bukur, Elbasan i bukur e kam si pasaportë artistike.
Ndërkohë këngëtari Edi Furra zbuloi se për këtë ditë vjen vazhdimisht nga Gjakova.
Unë marr familjen në Gjakovë dhe vij e festoj. Këndoj këngën e Elbasanit.
Kam marrë pjesë në 2014 dhe vit pas viti kjo festë po merr jetë më shumë dhe rëndësi më shumë dhe kjo bën më të lumtur qytetin e Elbasanit dhe mbarë shqiptarinë.
Është një festë tradicionale që duhet të festohet.
Gjithmonë vera simbolizon diçka të bukur, fillon jeta, është pranvera, është dhe nata e madhe e Sulltan Novruzit ku gjelbëron gjithçka.
Ndërsa kompozitori Gent Myftaraj tha se festa simbolizon traditën elbasanase, fisnikërinë, qytetarinë.
Unë jetoj në Tiranë por kam ardhur këto ditë në Elbasan, jam shumë i lumtur që i është rikthyer buzëqeshja Elbasanit.
Festa pa fund, më kujton fëmijërinë time. Ne luanim nëpër bar, shtronim batanije dhe shtronim drekën.
Kohët kanë ndryshuar, e mira duhet të jetë, por besoj do e kalojmë në ndonjë restorant.
Ballokumja është ëmbëlsira tradicionale, por jam për ballokumen që e bën vetë.
Ndërsa këngëtari Petrit Vullkani tha se në këtë ditë do të jetë në një lokal por edhe në sheshin e Elbasanit, për të festuar bashkë me këngëtarët e tjerë.
E uroj Kryeministrin tonë Edi Rama gëzuar Ditën e Verës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
