Një tjetër shqiptar mahnit në një spektakël muzike me zërin e tij. Marselino Sherifi është shqiptari i cili ka arritur deri në finalen e “The Voice of Greece”. 26-vjeçari nga Tirana u prezantua në spektaklin e talenteve si këngëtar dhe instrumentist.
Zëri i të riut arriti të dallohej mes 13 konkurrentëve të tjerë dhe ndodhet në finale për kupën.
Finalja pritet të mbahet ditën e nesërme në orën 21:00 dhe 8 konkurrentët do të garojnë për çmimin e madh që është një kontratë me Minos EMI / Universal.
Në prezantimin e parë mahniti jurinë me zërin dhe performancën në fizarmonikë, duke tërhequr vëmendjen e emrave të njohur si Elena Paparizou dhe Sakis Rouvas.
Marselino Sherifi përzgjodhi gjatë rrugëtimit të tij trajneren Eleni Zouganeli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
