Sekretari i Përgjithshëm i NATO-s, Jens Stoltenberg, tha gjatë vizitës në Shkup se anëtarësimi i Maqedonisë është i mirëpritur, por së pari duhet të zgjidhë çështjen e emrit me Greqinë dhe të përmbushë reformat.
“Ka akoma vend për flamuj të rinj në Selinë e NATO-s. Dëshiroj që, si Mali i Zi, edhe jut ë arrini sukses. Është mirë të jeni ambiciozë, por është e rëndësishme të jeni realë. Duhet edhe dhumë punë për të bërë dhe kjo nënkupton edhe zgjidhjen e çështjes së emrit. Kjo është një çështje që rëndon këtë vend dhe rajonin tanimë për një kohë të gjatë. Përshëndes vullnetin e kësaj qeverie për zgjidhjen e çështjes”, tha ai.
Stoltenberg tha se anëtarësimi në NATO është më shumë se thjesht zgjidhja e çështjes së emrit. “Vendeve aspirante për anëtarësim në NATO u kërkohet përmbushja e reformave”, tha ai.
Stoltenberg e vlerësoi si një hap të rëndësishëm miratimit në Parlament të ligjit të gjuhëve, i cili u kthye mbrëmë për rishqyrtim nga presidenti Ivanov.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
