Kritiku i Kremlinit, Alexei Navalny, bën përgjegjës presidentin rus, Vladimir Putin, për helmimin e tij.
“Putin qëndron prapa krimit dhe nuk mund të ketë një version tjetër për atë që ka ndodhur", tha Navalny për gazetën gjermane “Der Spiegel”.
Kremlini mohon përfshirjen në helmimin e Navalnyt. Qeveria ruse, pavarësisht presionit ndërkombëtar, ka refuzuar të hapë hetime në lidhje me rastin.
Navalni ka përshkruar edhe simptomat e helmimit.
"Nuk ndien asnjë dhimbje, por e di që po vdes", tha ai për momentin ku ka ndier të veprojë agjenti nervor në trupin e tij.
Ai ndodhet aktualisht në Gjermani pas daljes nga spitali, por thotë se do të kthehet në Rusi.
“Detyra ime tani është të jem i patrembur. Dhe unë nuk kam frikë”, tha Navalny.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
