"Ne kemi marrë vendimin për të bllokuar të gjitha reklamat politike globalisht", njofton Twitter.
"Reklamimi në internet është shumë i fuqishëm dhe efektiv, por ai mbart rreziqe të rëndësishme politike, nëse përdoret për të ndikuar në vota", tha Jack Dorsey, CEO i Twitter.
"Kjo nuk ka asnjë lidhje me lirinë e shprehjes. Ajo ka të bëjë me pagimin për të arritur audiencën më të gjerë të mundshme dhe kjo ka pasoja domethënëse që arkitektura e sotme demokratike mund të mos jetë në gjendje t'i trajtojë", u shpreh ai.
Reklamat politike do të ndalohen duke nisur nga 22 nëntori. Ndalimi përfshin reklamat e kandidatëve, ndërsa reklamat që inkurajojnë regjistrimin e votuesve do të lejohen, së bashku me përjashtime të tjera.
Vendimi i kompanisë vjen disa javë pasi Facebook u përball me të njëjtën çështje. Në fillim të këtij muaji, stafi i fushatës presidenciale të Joe Bidenit për vitin 2020 u shkruajti letra Facebook-ut, Twitter-it dhe YouTube-it duke kërkuar që të refuzonin lançimin e reklamave false politike. Fushata e Biden ishte bërë shënjestra e një serie reklamash të vendosura nga stafi i fushatës për rizgjedhjen e Presidentit Donald Trump, që hodhi pretendime të pabaza në lidhje me marrëdhëniet e familjes Biden me qeverinë e Ukrainës.
Twitter-i ka pasur disa politika për t'i ndaluar politikanët të mos bëjnë deklarata të rreme në platformën e tij, por ende nuk i ka përdorur ato. Gjatë kësaj vere, Twitter tha se do të ndalonte personazhet publike si Trump që shkelnin rregullat e tij dhe kufizonin aftësitë e përdoruesve për t'i shpërndarë ato, por nuk e ka zbatuar këtë asnjë herë deri më tani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
