Xhevahir Iljazi, 45 vjeç, është ushtaraku shqiptar që ka ndërruar jetë dje në Afganistan, në rrethana ende të paqarta.
Mësohet se Iljazi ishte me detyrë Major i Shërbimit Informativ Ushtarak dhe shërbente me mision paqeruajtës në provincën e Heratit në Afganistan.
Ministria e Mbrojtjes dhe Shtabi i Përgjithshëm i Forcave të Armatosura ka deklaruar sot se po bashkëpunojnë me komandën e operacionit në Afganistan për hetimin e plotë të rrethanave të vdekjes së ushtarakut shqiptar.
Në një njoftim zyrtar të Ministrisë së Mbrojtjes thuhet se dje, në orën 22:40 ora lokale në Afganistan, ka humbur jetën ushtaraku me inicialet XH. J.
Autoritetet e Ministrisë së Mbrojtjes dhe Shtabit të Përgjithshëm të FA po bashkëpunojnë me komandën e operacionit për të bërë hetimin e plotë të rrethanave në të cilat ka ndodhur ngjarja.
Ministri i Mbrojtjes dhe shefi i Shtabit të Përgjithshëm të FA sigurojnë personelin në mision dhe familjet e tyre se do vijojnë të mbështesin e t’u gjenden pranë për të përmbushur me sukses misionin.
Ministria e Mbrojtjes, Shtabi i Përgjithshëm dhe gjithë personeli i Forcave të Armatosura i shprehin ngushëllimet më të ndjera familjes për ndarjen e parakohshme nga jeta të njeriut tyre të dashur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
