Pavarësisht shiut dhe temperaturavë të ulëta, studentët e vijojnë edhe sot protestën, e cila ka hyrë në ditën e saj të dhjetë.
Si çdo ditë, ata janë mbledhur në fakultetet e tyre, për të marshuar më pas drejt godinës së Kryeministrisë.
Ata shprehen të bindur për ta vijuar protestën deri në plotësimin e kushteve.
Ditën e djeshme, nëpërmjet postimeve në rrjetet sociale, kryeministri Rama i ka ftuar disa herë në takim, duke u shprehur se kërkesat e tyre janë të zgjidhshme, por duke vendosur si kusht uljen në tryezën e dialogut.
Ndërkohë, po dje, presidenti Ilir Meta ktheu për rishqyrtim në Kuvend ligjin për buxhetin 2019, duke kërkuar nga ligjvënësit gjetjen e mundësive për të plotësuar kërkesat e studentëve.
Këta të fundit vijojnë të jenë të bindur se nuk do të ketë asnjë lloj dialogu me kryeministrin dhe kërkojnë plotësimin e 8 kërkesave që i kanë drejtuar atij prej disa ditësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
