Kosovë/ 223 raste të reja dhe 8 viktima nga Covid në 24 orë

Kosova ka regjistruar 223 raste të reja me Covid dhe 8 viktima në 24 orët e fundit.

Sipas IKSHPK-së, janë testuar gjithsej 1.001 persona, nga të cilët 223 kanë rezultuar pozitivë.

Autoritetet shëndetësore njoftojnë gjithashtu se janë shëruar 342 pacientë.

“Rastet e vdekjes janë nga komunat: Prishtinë 2 raste (66, 63 vjeç), Drenas 1 rast (69 vjeç), Istog 1 rast (74 vjeç), Kamenicë 1 rast (78 vjeç), Mitrovicë 1 rast (66 vjeç), Obiliq 1 rast (70 vjeç) dhe Suharekë 1 rast (65 vjeç)”, thuhet në njoftimin e IKSHPK-së.

Që prej 13 marsit, e deri më 20 dhjetor, në Kosovë janë regjistruar 48.905 raste me koronavirus.

Prej tyre, 1 256 pacientë kanë vdekur dhe 36 568 të tjerë kanë mposhtur sëmundjen COVID-19.

Raste aktive, ndërkaq, vazhdojnë të jenë 11 081.