Pas gati një dekade moratorium, gjuetia rifillon nga 15 gushti. Në studion e MCN Tv, Armand Burri, i cili drejton Shoqatën e Gjuetarëve “Tirona”, tha se gjuetia e paligjshme ka vijuar edhe gjatë moratoriumit.
Në Shqipëri në shumë vite ka dominuar gjuetia e paligjshme, që do të thotë gjueti jashtë sezonit, gjueti me mjete rrethanore, gjueti që bëhet me imitues, me drita natën. Këto janë gjueti që shfarosin. Gjuetarët e ligjshëm janë ata që njohin një shoqatë, e cila i ka përgatitur për zonën ku do të gjuhet, gjahun dhe mënyrën si do të gjuhet.
Burri tha se në Shqipëri ka 10-fish mbajtës armësh gjahu në raport me gjuetarët e ligjshëm.
Pjesa më e madhe e kanë ushtruar aktivitetin edhe në kohën e moratoriumit. Kjo do të thotë nuk janë gjuetarë të ligjshëm. Pothuajse në të gjithë Shqipërinë janë 60-70 mijë armë gjahu, por nuk ka më shumë se 6-7 mijë gjuetarë të ligjshëm. Të kesh armë gjahu nuk do të thotë se je gjuetar.
Ai tha më tej se për shkak të gjuetisë së paligjshme, janë disa speciet e rrezikuara.
Ka kafshë të rrezikuara. Po shkojmë drejt shfarosjes së shumë prej tyre, p.sh. lepuri i egër. I thonë vetes gjuetarë, por janë shkelës ligji.
Ne shpresojmë që me ligjin e ri, i cili i kalon kompetencat pushtetit vendor, të ruajmë dhe të krijojmë një mënyrë
Kemi 5 mijë anëtarë aktivë. Tani po merremi me kuotat dhe po bëhemi gati për zbatimin e ligjit të ri. Me 15 gusht hapet gjuetia për turtullin dhe për shkurtëzën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
