Ish-Presidenti i Shteteve të Bashkuara të Amerikës, Donald Trump ka guxuar gjatë fushatës së tij në New Hampshire të sulmojë Joe Biden me fjalët e liderit të Rusisë, Vladimir Putin.
Sipas Trump, edhe Viktor Orban i Hungarisë apo edhe Kim Jong Un i Koresë së Veriut, janë udhëheqës shumë më të mirë se Presidenti aktual i Amerikës.
Joe Biden është një kërcënim për demokracinë. Ai është një kërcënim. Edhe Vladimir Putin thotë se Biden, dhe po e citoj, se persekutimi politik i rivalit të tij politik është shumë i mirë për Rusinë sepse tregon kalbësinë e sistemit politik amerikan, i cili nuk mund të pretendojë se u mëson të tjerëve për demokracinë.
Madje Viktor Orban është shumë më i mirë se Biden, është shumë i respektuar, por edhe Kim Jong Un i Koresë së Veriut është shumë më i mirë.
Por, Trump gjatë tubimit, ka mbajtur edhe një qëndrim të fortë për emigrantët, duke i konsideruar si helmi i Amerikës.
Emigrantët nga gjithë bota po derdhen ne vendin tonë. Po helmojnë gjakun e Amerikës. Kjo është ajo që ata kanë bërë. Po helmojnë institucionet dhe burgjet në të gjithë botën, jo vetëm në Amerikën e Jugut, por në të gjithë botën. Ata po vijnë në vendin tonë, nga Afrika, nga Azia, nga e gjithë bota.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
