Gjyqtarja e Apelit Tiranë, Shpresa Beçaj u paraqit sot në Komisionin e Pavarur të Kualifikimit, ku ka dalë për një seancë dëgjimore.
Ajo ka probleme me dorëzimin e disa formularëve. Sipas KPK-së, gjyqtarja nuk ka dorëzuar deklaratën e pasurisë pranë ILDKPI-së, si dhe nuk ka depozituar ndonjë kërkesë për rivlerësimin e figurisë dhe aftësive profesionale duke mos përmbushur kështu detyrimin ligjor për të dalë para vettingut.
“Mosparaqitja e deklaratave shkakton humbjen e cilësisë së subjektit të rivlerësimit, si dhe sjell pamundësinë e këtij institucioni për të vijuar hetimet në kuadër të vetingut”, shprehet KPK.
Beçaj ka një karrierë 33-vjeçare si gjyqtare. Ajo ka mbajtur detyrën e gjyqtares në qytetin e Gramshit, ndërsa në 1990 u emërua gjyqtare në Tiranë.
Në vitin 2004-2013 ajo ka qenë gjyqtare në Gjykatën e Lartë, ndërsa në vitet 2008-2013 ka qenë në krye të këtij institucioni.
Bëhet me dije se vendimi për të do të jepet më 3 korrik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
