Kryemadhi mbi dy orë në SPAK: Paraqita prova të reja për inceneratorin e Tiranës

Pas afro dy orë e gjysmë dëshmi në SPAK, deputetja e Partisë së Lirisë, Monika Kryemadhi deklaroi se u thirr lidhur me çështjen e inceneratorit të Tiranës, ku paraqiti provat e reja dhe ripërsëriti dhe njëherë kallëzimin penal që ka dorëzuar në 4 mars 2021.

Në komunikimin për mediat, Kryemadhi tha se gjërat tashmë po zbardhen çdo ditë e më shumë dhe se më e pakta që duhet bërë është ndalimi i pagesave për inceneratorin e Tiranës, pasi çdo ditë paguhen 29 euro për ton.

Kur kemi pagesa me mbështetje buxhetore nuk kemi pse të fillojmë pagesa 29 euro për ton.

Do dorëzoj dhe dokumentet e tjera për rihapjen e vendepozitimit të vjetër për landfillin e Sharrës.

Që skena e krimit, vendi ku ka vdekur Ardit Gjoklaj duhet të ishte mbyllur brenda 22 muajve, duke u mbështetur në standardet e BE.

Kam kërkuar diferencim, riciklim, gjë që nuk ndodh, por vetëm groposen. Atë çfarë shikojmë dhe ka bërë droni i së vërtetës ka filluar të vendosë në lëvizje.

Është punë e gjatë dhe e vështirë, kërkon angazhim dhe seriozitet dhe ndërhyrjet e mëdha nga qeveria dhe institucione të caktuara, për një kompani offshore, besoj se gjërat do të realizohen.

Momentet e fundit janë duke ardhur dhe shpresoj që drejtësia të triumfojë për qytetarët shqiptarë të cilët paguajnë çdo ditë një kompani që është inekzistente. Vazhdova me faktet e mia.

Te inceneratori i Tiranës një nga problemet ligjore dhe për Engjëll Agaçin dhe zotin Lefter Koka ka të bëjmë më çështjen e mbështetjes financiare, nuk është rastësi që kontratat e Fierit dhe Elbasanit kanë mbaruar.

Ne dhe sot paguajmë para për inceneratorin e Tiranës, edhe pse nuk ka incenerator.

Mbështetja që jepet nga Ministria e Financave dhe më pas kalon në Bashkinë Tiranë dhe më tej i kalon inceneratorit.

Të gjithë këto faktorë mbledhin zinxhirin e funksionimit.

Lidhur me rolin e Agaçit, Kokës, Veliajt etj., për të tre incneratorët e përsëris, do depozitoj dhe videot dhe materiale të tjera.